RAYUAN GOMBAL KHAS PAPUA

Rayuan Gombal khas Papua Ket : ( P = Pace/cowok , M = Mace/cewek ) 

----------- 

P : ade, ko bapa seorang nelayan kah ?? 

M : ehh,, kaka ko tau ? 

P : Soalnya ade ko telah mendopis-dopiskan kaka pu hati.. 

 ----------- 

P : ade ko tau apa perbedaannya sagu deng kaka ?? 

M : tara tau kaka... 

P : kalo sagu colo di teh langsung hancur,, tapi kalo kaka pu hati tak akan hancur oleh apapun 

----------- 

P : ade koteka apa yang paling indah 

M : koteka apa kaka ?? 

P : "Koteka" Pertama kali kita berjumpa.... ( #ketika)

 ----------- 

P : ade kaka pu cinta ini bagaikan kasbi di kebun ... 

M : Maksudnya ??? 

P : memang dikulit luar kotor, tapi dalamnya putih mulus, dan bersih

 ----------- 

P : ade ko tau bedanya daun pepaya deng ade ko ??? 

M : apa ya ?? 

P : kalo daun pepaya menghilangkan kaka pu malaria,, tapi kalo ade ko menghilangkan kaka pu malarindu... 

----------- 

P : ade ko ada kaca mata molo kah ? 

M : tdk ada kaka,, untuk apa eh ??? 

P : kaka mau menyelam di hatimu...

 ----------- 

P : ade.... kaka ada pantun buat ko... 

M : pantun apa kaka ?

P : jalan-jalan ke kota merauke

     jangan lupa membeli matoa 

     kalo memang ade ko su oke 

     kaka mo lamar jadi maitua.. 

----------- 

P : ade ko pu bapa tukang jual CT ( Cap Tikus ) kah ?? 

M : iiihh kaka tau eh.... kenapa jadi ??? 

P : iyoo. soalnya kalo liat ade tuh kaka langsung jadi mabuk cinta

 ----------- 

P : ade .... panjangnya kaka pu cinta buat ade ko itu bagaikan ukur jarak dari sorong sampe ke jayapura 

M : ahhhh kaka.... pendek itu ???? 

P : iyoo,,, tapi ukur deng jengkal tangan... coba ade ko ukur sudah berapa jengkal itu sudah kaka pu cinta buat ade ko.. 

----------- 

P : ade,,, kaka mau hubungan cinta kita ini tuh istilahnya " KELADI " 

M : eh kaka "KELADI" itu apa ?? 

P : KELADI ( Kenal Langsung Jadi ) -----------